Nothing good comes cheap!

Jed’s Jahr die selbe Frage, was i im Urlaub dua, dahoam 1000 Prospekte von der Reiseagentur.
Mei Frau mog sehr weid weg, und i fang o zum schimpfn, I hock mi in koan Flieger, und dua mi a ned impfen.

Kompromiss i bleib dahoam, sie fliagt in die Karibik, Geh jeden Tag auf d’Wies’n, was bleibt mir anders übrig. Am ersten Wiesnsamstag bring i sie zum Flieger raus, Sog pfiade schene Zeit un fahr auf d’Wiesn naus.

I mach Urlaub auf da Wies’n, i brauch koan weissen Strand,
i mach Urlaub auf da Wies’n in meim feschen Trachtngwand.
Muass ned nach Honululu, scho gar ned nach Hawai, mach Urlaub auf da Wies’n, was kanns denn schöners sei.

I brach koan Cappuccino, am Strand von Bibione, Viel schöner is die erste Mass, bei der Fischervroni A echte Blasmusik, mit am dicken an der Tuba, Trompetenecho – Landler, statt Salsaklang in Kuba

Muass ned mimm Mountainbike rauf und runter den Karwendel, mach auf und nieder, links und rechte, bei am hoiben Hendl. Muass bei koan Museum auf a Ticket warten, mia g’langt da Rausch im G’sicht und a blaue Streifenkarte.

I mach Urlaub auf da Wies’n, …

Brach koane Pyramieden, muaß ned zum Pabst nach Rom, Da liebe Gott ist überall, auch im Hippodrom.
Muss ned zu die Komantschen, geschweige den Appachen I schunkel wenn i schunkeln muass, ansonsten klatschn, klatschn

Koa langweiliges Pokern in Las Vegas oder Utah I kauf an gelben Chip für 10 Minuten Autoscooter Koan Beduinenführer, koa Kamel durch die Sahara Wui i hoam dann brauch i nur an Münchner Taxifahher

I mach Urlaub auf da Wies’n, ..

von Roland Hefter und gesungen noch besser

This entry was posted on Montag, September 22nd, 2008 at 20:09 and is filed under München. You can follow any responses to this entry through the RSS 2.0 feed. You can leave a response, or trackback from your own site.